Iisaa.org
Assalaamu alahikum warahmatullaahi wabarakaatuh
Kiristaanonni “Waaqni keessan meeqa” jedhamee gaaffii yoo isaan gaafatame, afaan isaaniitiin “Waaqni keenya tokko” jedhanii deebisu.
Garuu “waaqni tokkichi sun eenyu”? Yoo jennee gaafanne waaqa sana himuuf hedduu rakkatu. Sababni isaas faallaa macaafa isaanii deemanii sillaasee yookiin sadan waaqa tokko kan jedhu waan uummataniif jecha waaqa ofii ibsuuf hedduu dhama’u.
Macaafa isaanii keessa kan jiru sillaasee yookiin Waaqa sadii osoo hin taane Waaqa tokkichatu jira. Innis isa nabiyyoota hunda ergee dha. Mee Waaqni tokkicha akka ta’e macaafa isaanii keessaa Qabxii tokko tokko Haa ilaallu.
Waaqa tokkicha biratti Waaqa biraa ida’uu waaqayyo dhorkee jira.
Bau. 20
¯¯¯¯¯¯¯¯¯¯
² inni, “Ani Waaqayyo, gooftaa kee isa mana garbummaa biyya Gibxii keessaa si baasee dha.
³ “Waaqayyolii kan biraa tokko illee ana bukkeetti hin qabaatin!
Muuseen Waaqayyo tokkicha malee sadii hin beeku
“Yaa Israa’el dhaga’i! Waaqayyo gooftaan keenya Waaqayyo isa tokkicha!”
— Kes. 6:4
Waaqayyo tokkicha malee kan biraa akka hin jirre waaqayyo ofii isaatii dubbatee jira
“”Amma ilaalaa! Waaqayyo anuma, ana malee Waaqayyo kan biraa hin jiru; ani nan ajjeesa, ani nan jiraachisas; ani nan madeessa, ani nan fayyisas; homtinuu harka koo keessaa baasuu kan danda’u hin jiru;”
— Kes. 32:39
Daawit sadan waaqa tokkoo osoo hin taane waaqa tokko qofa beeka.
“”Yaa Waaqayyo gooftaa, ati attam guddaa dha! Akkuma nuyi gurra keenyaan dhageenyetti iyyuu, kan akka keetii tokko illee hin argamu, si malees Waaqayyo kan biraa hin jiru.”
— 2Sam. 7:22
“”Goofticha malee Waaqayyo eenyu ree? Waaqayyo keenya malees kattaa jabaan eenyu ree?”
— 2Sam. 22:32
“”Yaa Waaqayyo, akkuma nuyi gurra keenyaan dhageenyetti iyyuu kan akka keetii tokko illee hin argamu, si malees Waaqayyo kan biraa hin jiru.”
— 1Sen. 17:20
Salamoonis waaqa tokko qofa beeka
“Kanaanis sabni biyya lafaa hundinuu inni Waaqayyo akka ta’e, isa malees Waaqayyo kan biraa akka hin jirre haa beekan!”
— 1Mot. 8:60
“Waaqayyoon kadhachuu jalqabee, “Yaa Waaqayyo, goofticha isa kan Israa’el, yaa isa Kiruubel gararraa jiraattuu, ati waaqaa fi lafa uumteetta, mootota lafa irraa hundumaa irrattis si’uma duwwaatu Waaqayyoo dha.”
— 2Mot. 19:15
Iyoobillee sillaasee hin beeku waaqa tokko malee
“Inni kophaa isaa bantiiwwan waaqaa in diriirse; dha’aawwan galaanaa irras in ejjete;”
— Iyo. 9:8
Asaafis waaqayyo tokko malee hin beeku
“Maqaan kee “Isa Jiraataa” akka ta’e, ati kophaa kee guutummaa biyya lafaa irratti gooftaa isa hundumaa gararraa jiru ta’uu kees haa beekan!”
— Far. 83:18
Daawitis irra deddeebiidhaan waaqayyo tokkicha qofa barsiise
“Ati guddaa dha, hojiin kees dinqisiisaa dha, si’uma duwwaatu Waaqayyo!”
— Far. 86:10
Waaqayyo irra deddeebiidhaan tokkichummaa isaa labsaa ture malee waaqa biraa akka itti ida’amu hin hayyamne
Isa. 43
¯¯¯¯¯¯¯¯¯¯
¹⁰ Waaqayyo, “Yaa saba nana, isin dhuga-baatuu koo ti, garbichi ani fo’adhes isinuma, isin akka beektaniif akka amantanitti, isa kana kan godhe ana Waaqayyo akka ta’e akka hubattanitti, ana dura Waaqayyo kan biraa hin turre, ana booddees Waaqayyo kan biraa hin jiraatu.
¹¹ Ana duwwaatu Waaqayyoo dha, ana malee fayyisaan kan biraa hin jiru.
¹² Ani duraan dursee himeera, isin oolcheera, isinitti dubbadheeras; waaqayyoliin ormaa garuu isin gidduutti kana hin goone; ani duwwaan Waaqayyo akkan ta’e isin dhuga-baatuu koo ti!” jedhe; Waaqayyo kana dubbateera.
¹³ Waaqayyo itti fufee, “Ani ammas Waaqayyoo dha, gara fuula duraattis kan jiraatu anuma; harka koo keessaa waan tokko illee baasuu kan danda’u hin jiru, wanta ani hojjedhus kan garagalchu hin jiru” jedhe.
“Kan jalqabaa fi dhumaa ana qofa” jedhe waaqayyo
“Waaqayyo mootiin Israa’el inni Israa’elin furu, Waaqayyo gooftaan maccaa, “Ani isa jalqabaa ti, isa dhumaa tis, ana malee Waaqayyo kan biraa hin jiru;”
— Isa. 44:6
Isa. 45
¯¯¯¯¯¯¯¯¯¯
⁵ Waaqayyo ana duwwaa dha, ana malees Waaqayyo kan biraa hin jiru; yoo ati ana beekuu dhabaatte iyyuu ani immoo si hidhachiisee sin jabeessa.
⁶ Kanaanis ba’a-biiftuutii hamma lixa-biiftuutti, ani kophaa koo Waaqayyo akkan ta’e, ana malees Waaqayyo kan biraa akka hin jirre namoonni in beeku.
Isa. 45
¯¯¯¯¯¯¯¯¯¯
²¹ Walitti himaa, walii wajjinis mari’adhaatii dhimma keessan dhi’eeffadhaa! Kana eenyutu beeksise? Duraan dursees eenyutu raajii dubbate? Ana Waaqayyotu kana godhe mitii ree? Ana malee Waaqayyo kan biraa hin jiru, Waaqayyo inni qajeelaanii fi inni fayyisaan ana malee hin jiru.
²² Isin warri andaara lafaa jiraattan hundinuu, gara kootti deebi’aatii fayyina argadhaa! Ani Waaqayyoo dha, ana malees kan biraa hin jiru;
ITTI FUFA…