Iisaa.org
Nabi Muhammadiin ﷺ Ergamoota biraa irraa maaltu adda isaan taasisa ?
1. RABBIIN Nabiyyii Aadam irraa jalqabee jiran hunda yoo Nabi Muhammad [S.A.W] yeroo isaanii keessatti ergaman itti amanuu fi isa hordofuu waadaa seensise.
2. RABBIIN guddaan badii isaanii isa duraa fi isa boodaas dhiiseefii jira, kunis Nabi Muhammadiif qofa ture.
3. RABBIIN umrii Nabi Muhammadiin kakatee jira. Beekaa ummata kanaa jedhamee kan beekkamu, ” Abdallaah Ibnu Abbaas ” akki jedhe; “RABBII jireenya nama tokkootiinuu hin kakanne yoo jireenya Nabi Muhammadiin taate malee.” Ragaa kanaatiifis jecha Qur’aanaa suuraatu Al-Hijr suuraa 15 aayaa 72 irra jiru dhiheeffate: {(Yaa Muhammad!) Jireenya keetti kakadhee! Dhugumatti, isaan machii isaanii kessa dhama’u.} [Qur’aana 15:72]
4. Mu’jizaan ykn raajiin Nabiyyoota biroo yeroo isaaniitiin qofa daangeffama yoo ta’u kan Ergamaa RABBII Muhammad immoo hanga guyyaa Qiyaamaatti dhaabbataa dha. Inni Qur’aana kabajamaa dha!
5. Ergamtoonni biroo gara ummata ofii qofatti kan ergaman yoo ta’u isaan garuu jinnii dabalatee addunyaa guutuuf ergaman.
6. RABBIIN Nabiyyoota hunda Maqaa isaaniitiin kan waame yoo ta’u Ergamaa RABBII garuu kabaja isaaniif maqaa osoo hin ta’in ” Yaa ayyuhannabiyyu ” fa’a jechuun yaama.
7. Kennaa Nabiyyoota kaaniif hin kennane isaaniif kennee jira. kanneen akka boojuu fudhachuu, adeemsa ji’aa tokkootitti diinni isa sodaachuu, dacheen marti ummata isaatiif xahaaraa fi masjiida ta’uun, addunyaa guutuuf ergamuu.
8. RABBIIN Ummata isaa caaltuu ummatoota hundaa godhuu.
9. Guyyaa Qiyaamaa dursa nama dacheen irraa banamtu ta’uu.
10. Nabiyyoonni hundu guyyaa Qiyaamaa alaabaa isaanii jala hiriiruu.
11. Nama dura balbala Jannataa rukutanii galan ta’uu.
12. Shafa’aan guddoon guyyaa Qiyaamaa kan isaanii ta’uu …
Faaruun kan RABBII Ummata Nabiyyii kanaa nu taasiseeti, ummata isaa ta’uun immoo carroomuu dha.