Iisaa.org
Kiristaanonni Yesuus kiristoos “Uumaadha” Yookiin “Inni Waaqayyoo dha” jedhanii Amanu.
Haa ta’u Malee Macaafni isaanii isaan hin deeggaru. Inumaa Yaada isaanii kana ni faallessa.
Mee kitaabuma isaanii Keessaa qabxiilee muraasa haa laallu.
1, Waaqayyoon yookiin uumaan waa Hundaa nama miti akka namaas miti
“Ani dheekkamsa koo isa boba’aa gad hin dhiisu, deebi’ee Efreemin hin balleessu; ani Waaqayyoo dha malee, nama miti; ani isa qulqulluu si gidduu jiruu dha, ani ija aariitiin hin dhufu.”
— Hos. 11:9
“Waaqayyo akka namaa miti, inni hin sobu,gaabbuudhaafis inni ilma namaa miti, inni wanta jedhe hin godhuu ree? Wanta dubbates hin raawwatuu ree?”
— Lak. 23:19
“Waaqayyo inni Israa’eliif ulfina ta’e, akka namaa miti! Inni hin sobu, hin gaabbu, wanti akka namaatti isa gaabbisiisus hin jiru” jedheen.”
— 1Sam. 15:29
Egaa Kutaalee kanneen keessatti Waaqayyoon nama miti namallee hin fakkaatu jedha
Faallaa kanaa garuu Yesuus kiristos Nama Akka ta’e macaafni ifaan ifatti lafa kaa’a.
“Ani dhugicha isan Waaqayyo irraa dhaga’e isinitti himeera; isin garuu ana nama akkasii ajjeesuu barbaaddu; Abrahaam akka kana hin hojjenne.”
— Yoh. 8:40
“’Eenyu ati yaa gooftaa?’ jedheetan deebise; inni immoo, ‘Ana, Yesus nama Naazireet, kan ati ari’achaa jirtu’ anaan jedhe.”
— HoE. 22:8
“”Isin yaa warra Israa’el, dubbii kana dhaggeeffadhaa, Waaqayyo harka Yesus nama Naazireet kanaan, hojii aangoo isaa, dinqiidhaa fi milikkita garaa garaa kan isin beektan, isin gidduutti hojjechuu isaatiin fudhatamaa isa godhe.”
— HoE. 2:22
2, Waaqayyo uumaa waan Hundaa waan ta’eef hin du’u
“Ani Anbaaqom immoo, ”Yaa Waaqayyo, ati kan durii durii ti, mitii ree? Yaa Waaqayyo ko, yaa isa qulqulluu, ati hin duutu; ati kattaa keenya! Isaan kana firdiif kaafte, adabaafis isaan dhaabde!”
— An. 1:12
“Waaqayyo duwwaatu hin du’u, inni ifa homtinuu itti dhi’aachuu hin dandeenye keessa in jiraata; namni takkaa isa hin argine, isa arguus hin danda’u. Isaaf ulfinnii fi aangoon bara baraa baa ta’u! Ameen.”
— 1Xim. 6:16
Akka macaafni isaanii jedhutti garuu yesuus du’e jedha. Worri hordooftoota isaati ofiin jedhanillee du’ee jira jedhanii amanu.
“inni jiraatus ana. Takka illee du’een ture, amma garuu kunoo, baraa hamma bara baraatti jiraachuuttan jira; du’a irratti, balbala iddoo warra du’anii banu irrattis ani gooftummaa qaba.”
— Mul. 1:18
“Namni tokko hundumaaf akka du’e, kanaanis namoonni hundinuu du’uu isaanii amannee waan fudhanneef, jaaialli Kirists nu qaba.”
— 2Qor. 5:14
3, Waaqayyo waan uume hunda waan tiksuuf akkasumas inni uumama waan hin taaneef hin rafu.
“Kunoo, inni Israa’elin eegu, matumaa hin mugu, hin rafus.”
— Far. 121:4
Yesuus Garuu akka ajaa’ibaatti Rafaa ture
“Yesus garuu bidiricha keessa gara duubaatiin waa boraafatee in rafa ture. Bartoonni isaa isa dammaqsanii, “Barsiisaa! Dhumuun keenya si hin dhibuu?” jedhan.”
— Mar. 4:38
“Kunoos qilleensi jabaan bishaanicha irratti ka’ee hamma dha’aan bishaanii bidiricha irra danbali’utti ga’e; Yesus garuu rafee ture.”
— Mat. 8:24
4, Uumaa Samii fi Dachii Kan tahe Rabbiin hin dadhabu
“Ati hin beeknee ree? Hin dhageenyeesii ree? Waaqayyo, gooftaa bara baraan jiraatuu dha, inni isa guutummaa biyya lafaa uumee dha; inni hin mudhuku, hin dadhabu, hubannaa isaas namni qoree bira hin ga’u;”
— Isa. 40:28
Yesuus Garaa osoo karaa deemuu adeemsi waan butucheef Dadhabee taa’ee boqate.
“Bishaan boollaa Yaaqoob achi ture. Yesus karaa adeemaa oolee waan dadhabeef, boolla bishaanii sana bukkee taa’e; yeroon siaas akka sa’aatii ja’aa ture.”
— Yoh. 4:6
5, Waaqayyo nyaataa fi Dhugaatiitti hin haajomu
Far. 50
¯¯¯¯¯¯¯¯¯¯
¹² “Biyyi lafaa wanti isa keessa guutes kan koo waan ta’eef, ani utuun beela’ee iyyuu sitti hin himadhu.
¹³ Ani foon korommii nan nyaadhaa ree? Yookiis dhiiga korbeeyyii nan dhugaa ree?
Yesuus ni nyaata ni dhugas
Luq. 24
¯¯¯¯¯¯¯¯¯¯
⁴¹ Isaan gammaduudhaaf raajeffachuu irraa kan ka’e, amma iyyuu amanuu dadhabnaan, “Waan nyaatamu tokko asii qabduu?” jedheen.
⁴² Kana irratti isaan qurxummii waadamaa seeraa tokko kenninaaniif,
⁴³ inni fudhatee isaan fuul duratti nyaate.
“Dubartiin Samaariyaa tokkos bishaan waraabbachuudhaaf dhufte; yommus Yesus, “Bishaan dhugaatii anaaf kenni!” ittiin jedhe.”
— Yoh. 4:7
Wonti nyaatamuu fi dhugamu alatti waan bahuuf mana fincaanii deemuun isaas shakkii hin qabu.
“Wanti afaaniin lixu hundinuu, mar’umaanitti darbee bakkeetti akka ba’u hin qalbifattanii ree?”
— Mat. 15:17
Kutaa 2ffaa itti fufa…