Iisaa.org
()
Yesuus Gabricha Rabbii ta’uunsaa ifaan ifatti macaafa kessatti dubbatameera.
Yesuus halkanii fi guyyaa keessattis kadhannaa gooftaa isaatiin akka dhaabbachaa ture macaafni ni dubbata. Haa ta’u malee; hubannoon kiristaanota hedduu faallaa kanaati. Inni gabricha Gooftaa tokkichaati. Yesuus yoo Gooftaa kan ta’u taate, Gooftaan inni waaqqeffataa ture sun eenyuudhaa?
[ 6:12]
“Yeroo sanatti Yesus gara gaaraatti ol ba’ee, achitti halkan guutuu Waaqayyoon kadhachaa bule.”
[ 14:23]
“Tuuta sana erga gad-dhiisee booddees, kophaa isaatti kadhachuudhaaf gara gaaraatti ol ba’e; yommuu galgalaa’es kophaa isaa achi ture.”
[ 26:36-44]
³⁶ Yesus yommus bartoota isaa wajjin gara iddoo dhaabaa Getesemaanee jedhamu tokkoo dhaqe; bartoota isaatiin immoo, “Hamma ani achi dhaqee kadhadhutti as taa’aa!” jedhe.
³⁷ Phexrosii fi ilmaan Zabdewos lamaan fudhatee dhaqee; gadduu fi yaadaan dhiphachuutti ka’e.
³⁸ Yommuus, “Lubbuun koo hamma du’atti baay’ee gaddite; isin as turaa anaa wajjinis dammaqaa!” isaaniin jedhe.
³⁹ Xinnoos irraa hiiqee adda isaatiin gombifamee, ‘Yaa abbaa, ko! In danda’ama yoo ta’e xoofoon dhiphinaa kun ana irra haa darbu, garuu akka jaalala koo miti, akka jaalala kee haa ta’u malee” jedhee kadhate.
⁴⁰ Kana booddee gara bartoota sanaa dhufee, rafanii isaan arge; Phexrosiin immoo, “Egaa isin sa’aatii tokkittiif illee anaa wajjin dammaquu hin dandeenyee?
⁴¹ Qoramatti akka hin galleef dammaqaa kadhaahaa! Hafuurri illee dhimmaa dha; foon garuu dadhabaa dha” jedhe.
⁴² Si’a lammaffaas achi hiiqee kadhatee, “Yaa abbaa koo! Xoofoon dhiphinaa kun utuun hin dhugin ana irra darbuun hin danda’amu yoo ta’e, jaalalli kee haa raawwatamu” jedhe.
⁴³ Deebi’ee dhufees utuu isaan rafanii arge iji isaanii itti ulfaatee ture.
⁴⁴ Ammas isaan dhiisee achi hiiqee si’a sadaffaa kadhatuma isaa duraa kadhate.
[ 1:35]
“Ganama barii amma illee utuu hin ifin ka’ee, gad ba’ee gara iddoo namni hin jirree dhaqee, achitti Waaqayyoon in kadhate.”
[ 14:35]
“Xinnoos irraa hiiqee adda isaatiin gombifamee, yoo danda’ame yerottiin kun akka isa bira darbituuf kadhatee, ”
[ 6:16]
“Tuuta sanatti erga nagaa dhaamee immoo kadhachuudhaaf gara gaaraatti ol ba’e.”
[ 5:16]
“Inni garuu kadhachuuf gara lafa namni hin jirreetti jalaa sokke.”
[ 9:18]
“Gaaf tokko Yesus kophaa isaa utuu kadhatuu, bartoonni isaa isatti dhi’oo turan; inni immoo, “Namoonni kun eenyu anaan jedhu?” jedhee bartoota isaa gaafate.”
[ 11:1]
“Yesus iddoo tokkotti in kadhata ture; kadhannaa isaa erga dhaabee booddee, bartoota isaa keessaa tokko,
“Yaa gooftaa, Yohannis bartoota isaa akkuma barsiise kadhachuu nu barsiisi!” jedheen.”
[ 18:1]
“Yeroo hundumaa kadhachuun akka isaaniif ta’u, kadhachuus akka hin dadhabne isaan barsiisuudhaaf, Yesus fakkeenya tokko isaanitti hime.”
[ 22:41]
“Inni hamma darbannaa dhagaa tokkoo isaanittii fagaatee, jilbeenfatees kadhachaa ture;”
Ragaaleen armaan olii hundi yesuus ergamaa Rabbii akka ta’e nuuf mirkaneessanii jiran. Inni ergamaadha malee gooftaa miti.Gooftaan homa tokkoofuu hin salaatu. Inumaayyuu yesuus Rabbii tokko qofa faarsaa tureera malee Rabbummaa mataa beeksisee hin turre.
?
?